أهلا بك فى منتدى الفريسة والصياد
عزيزي الزائر/عزيزتي الزائرة يرجي التكرم بتعريف نفسك الينا بالدخول الي المنتدي اذا كنت عضو او التسجيل ان لم تكن عضو وترغب في الأنضمام الي أسرة المنتدي
التسجيل سهل جدا وسريع وفي خطوة واحدة
وتذكر دائما أن باب الأشراف مفتوح لكل من يريد
يسعدنا أنضمامك معنا
فى عالم الفريسة والصياد
شكرا
ادارة المنتدي


 
الرئيسيةالبوابةمكتبة الصورالتسجيلدخول


شاطر | 
 

  طلعة النصيب والذهاب الى الرزق اللى مستنيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
abo kimo

avatar

الميزان  المساهمات المساهمات : 18
تاريخ التسجيل : 14/02/2010
العمر العمر : 43
الدولة Egypt
العمل/الترفيه : IT Section Head
المزاج صيد العذب

مُساهمةموضوع: طلعة النصيب والذهاب الى الرزق اللى مستنيك   الثلاثاء 29 يونيو 2010, 8:32 pm

الاول مساء الفل على كل اخواتى الكبار الاعضاء المحترمين
طبعا دى اول مشاركة ليا فى صفحة صيد المياه العذبة
نحكى بقى الحكاية من اولها واستحملوا معلش الرغى بتاعى
الطلعة دى كانت الجمعة اللى فاتت وانا كنت ناوى انزلها لولا انشغالى بمرض والدى الكام يوم اللى فاتوا
المهم بقى نخش على الرغى
رجعت من المصيف يوم الجمعة رميت الشنط وقولت انا هاستريح شوية طبعا ده اللى كان فى بالى طبعا كنت موهوم عشان انا حتى ماغيرتش هدومى ولقيت نفسى فى الشارع شايل شنطة العدة وبدور على طعم ............. معلش بقى استحملوا انا قولتلكوا هارغى شوية المهم ربنا كرمنى وجبت الطعم ووقفت تاكسى يلا بقى خسارة بخسارة ماهو انا تعبان ومش هاقدر ااتشعبط فى مواصلات قولت اطلع على العجوزة اتسلى شوية على البلطى الحجارى ماهو النيل مش هايكل يبقى اضمن العب على المضمون شوية حجارى وخلاص وانا فى التاكسى والله ده اللى حصل لقيت واحد راكب عربية وبيسال على مكان فى الجيزة المهم انا بوصف للراجل المكان اللى هو بجوار دور انا بحبه جدا لقيت نفسى بقول للسواق معلش بقى بلاش نروح العجوزة وارجع بيا على الجيزة وقد كان وصلت الدور وسميت وصليت على سيدنا الحبيب النبى ورميت ومع اول رميه خدت حتة فوق الكف بشوية قولت يا كرم الله وكان عندى قناعة انمى هامشى بالحتة دى بس وشوية وخير اللهم اجعله خير الاقى الفلة بتاعتى تحت الميه قولت يا واد يا ابو كيمو ماتعشمش نفسك ده كيس معبى ميه وحوش فى الخيط من تحت الميه قولت طيب اجرب كدة وارفع الفلة شوية لقيت بالصلاة على النبى الرد كان قاسى ومسمع فى البوصة واضرب وصلى يا عم العب على الدك والضر ب اللى معايا وجمع طبعا بعد عناء عشان السمكة دخلت منى فى حتة صعبة شوية بس الحمد لله كان فيه واحد معاه جدالة وجمعتله السمكة ورفعها وبالصلاة على النبى دكر بلطى يقرب من كيلو ان ماكنش كيلو قولت يا كرم الله المهم كل فى الدور قاموا مشيوا وانا فضلت قاعد وانا بعشق القاعدة لوحدى على الميه رغم الهلاوس اللى بتجيلى المهم بعد ادان الفجر لقيت الفلة ماشية براحة على الميه عكس اتجاها ماعرفش ليه انا قولت ديه بياضة المهم قفلت على الفلة لقيت اللى بياخد منى الفلة وبيجرى المهم ضربت وبالصلاة على النبى لقيت البوصة عملت رقم خمسة قمت فتحت الباكب شوية وقفلت تانى و وبعدين فتحت الباكاب تانى وبقيت اقفل بايدى على الخيط لحد ماكشفت السمكة بس خلاص مش هاينفع تترفع من على المية المهم ناديت الغفير وقولتله معايا سمكة هاجمعهالك على الرصيف وارفع من الخيط وقد كان هوب رفع السن فلت والسمكة وقعت وانا لسه هارمى الفايبر بقى كمن ايدى واقعد اعيط لقيت لسه السمكة بدك الله فيه ايه انت عفريت ولا ايه المهم جمعت تانى لقيت السمكة واخدة السن التانى تحت الزعنفة وهو ب جمع وارفع بسرعة ياعم وخرجنا الدكر التانى وده بقى بجد وانا متاكد مايقلش عن اتنين كيلو
والله لميت الحاجة وقولت بارك الله فيما رزق وسبحان الله لما يكون ربنا كاتبلك انك هاتاخد رزق هاتاخده غصب عنك يعنى انا اصلا ماكنتش هانزل وما كنتش هاروح الدور ده بس سبحان الله هو الرزاق
معلش والله انا مش رغاى بس اولت اول موضوع ليا لازم بقى ارغى شوية
وتحية لكل الاعضاء ... اخواتى الكبار
الرجوع الى أعلى الصفحة اذهب الى الأسفل
abo kimo

avatar

الميزان  المساهمات المساهمات : 18
تاريخ التسجيل : 14/02/2010
العمر العمر : 43
الدولة Egypt
العمل/الترفيه : IT Section Head
المزاج صيد العذب

مُساهمةموضوع: رد: طلعة النصيب والذهاب الى الرزق اللى مستنيك   الثلاثاء 29 يونيو 2010, 8:39 pm

[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]


معلش بقى يا جماعة انا رفعت الصور وبعت الروابط بتاعتها والله حاجة تكسف باب النجار مخلع
اصلى انا بقالى 10 سنين شغال فى ادارة النظم والمعلومات
يلا بقى شوفوا الصور وقولولى ايه رايكم
الرجوع الى أعلى الصفحة اذهب الى الأسفل
ابو كريم
صاحب أفضل طرح نقاشى
صاحب أفضل طرح نقاشى
avatar

الدلو  المساهمات المساهمات : 475
تاريخ التسجيل : 29/03/2008
العمر العمر : 40

مُساهمةموضوع: رد: طلعة النصيب والذهاب الى الرزق اللى مستنيك   الجمعة 02 يوليو 2010, 1:05 pm


صباح ومساء الفل على آحلى أبو كيمو فى الدنيا
والف الف سلامة على الحاج الوالد والله انا بقالى فترة كنت متغيب عت المنتدى ومعرفش اى شئ خالص
وربنا يطمنا علية يا رب
نيجى بقة للدكرين البلطى اللى زى الفل بصراحة حتتين فى الجون وشوية بلطى بالف هنا وشفا
والله يا ابو كيمو انا اكتر حاجة بتمتعنى فى الصيد لغاية الان هو البلطى بيبقة لى متعة تانى خالص خالص
وعقبال كل طلعة وطلعة يا ريس ونشوف كيمو وهو قاعد معاك وماسك السنارة [ندعوك للتسجيل في المنتدى أو التعريف بنفسك لمعاينة هذه الصورة]

ومتزعلش من قلة الردود انت عارف ان المنتدى لغاية الان تحت الآنشاء
ويللا بقة جهز نفسك علشان تخش على المالح يا ريس ههههه
الرجوع الى أعلى الصفحة اذهب الى الأسفل
mohamed muosa
مشرف عام المنتددى
مشرف عام المنتددى
avatar

 المساهمات المساهمات : 604
تاريخ التسجيل : 18/12/2009
الدولة مصر
المزاج بحب الصيد

مُساهمةموضوع: رد: طلعة النصيب والذهاب الى الرزق اللى مستنيك   السبت 03 يوليو 2010, 9:38 pm

ياه انا شفت الدكر دة فين قبل كدة

حمد الله على سلامت الوالد ربنا يقومة بالسلامة

[ندعوك للتسجيل في المنتدى أو التعريف بنفسك لمعاينة هذه الصورة]" border="0" />
الرجوع الى أعلى الصفحة اذهب الى الأسفل
abo kimo

avatar

الميزان  المساهمات المساهمات : 18
تاريخ التسجيل : 14/02/2010
العمر العمر : 43
الدولة Egypt
العمل/الترفيه : IT Section Head
المزاج صيد العذب

مُساهمةموضوع: رد: طلعة النصيب والذهاب الى الرزق اللى مستنيك   الأحد 04 يوليو 2010, 8:39 am

ابو كريم كتب:

صباح ومساء الفل على آحلى أبو كيمو فى الدنيا
والف الف سلامة على الحاج الوالد والله انا بقالى فترة كنت متغيب عت المنتدى ومعرفش اى شئ خالص
وربنا يطمنا علية يا رب
نيجى بقة للدكرين البلطى اللى زى الفل بصراحة حتتين فى الجون وشوية بلطى بالف هنا وشفا
والله يا ابو كيمو انا اكتر حاجة بتمتعنى فى الصيد لغاية الان هو البلطى بيبقة لى متعة تانى خالص خالص
وعقبال كل طلعة وطلعة يا ريس ونشوف كيمو وهو قاعد معاك وماسك السنارة [ندعوك للتسجيل في المنتدى أو التعريف بنفسك لمعاينة هذه الصورة]

ومتزعلش من قلة الردود انت عارف ان المنتدى لغاية الان تحت الآنشاء
ويللا بقة جهز نفسك علشان تخش على المالح يا ريس ههههه
عمى ابو كريم الاصلى [ندعوك للتسجيل في المنتدى أو التعريف بنفسك لمعاينة هذه الصورة]
الف مليون شكر على سؤالك عن الوالد والحمد لله بقى زى الفل
وانا بقى مستنى منك اشارة ياباشا عشان اطلع معاك طلعة مالح بس للاسف بقى انا ظروف مش هاتسمح باكتر من 24 ساعة لو فيه طلعة كدة ياباشا انا اتشرف انى اكون معاك
الف شكر على كلامك الجميل ويارب تفرح باولادك
الرجوع الى أعلى الصفحة اذهب الى الأسفل
abo kimo

avatar

الميزان  المساهمات المساهمات : 18
تاريخ التسجيل : 14/02/2010
العمر العمر : 43
الدولة Egypt
العمل/الترفيه : IT Section Head
المزاج صيد العذب

مُساهمةموضوع: رد: طلعة النصيب والذهاب الى الرزق اللى مستنيك   الأحد 04 يوليو 2010, 8:45 am

mohamed muosa كتب:
ياه انا شفت الدكر دة فين قبل كدة

حمد الله على سلامت الوالد ربنا يقومة بالسلامة

[ندعوك للتسجيل في المنتدى أو التعريف بنفسك لمعاينة هذه الصورة]" border="0" />
الله يسلم حضرتك يا ابو الكابتن يا سكرة
اما بخصوص سؤالك شفت الدكر ده فين قبل كدة ..... لو جاوبتك والاجابة طلعت صح هاتطلعنى معاك طلعة تسقيط
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
طلعة النصيب والذهاب الى الرزق اللى مستنيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
ا لرحلات البحرية
 :: صيد مياة عذبة
-
انتقل الى: