أهلا بك فى منتدى الفريسة والصياد
عزيزي الزائر/عزيزتي الزائرة يرجي التكرم بتعريف نفسك الينا بالدخول الي المنتدي اذا كنت عضو او التسجيل ان لم تكن عضو وترغب في الأنضمام الي أسرة المنتدي
التسجيل سهل جدا وسريع وفي خطوة واحدة
وتذكر دائما أن باب الأشراف مفتوح لكل من يريد
يسعدنا أنضمامك معنا
فى عالم الفريسة والصياد
شكرا
ادارة المنتدي


 
الرئيسيةمكتبة الصورالتسجيلدخول

شاطر | 
 

 احلي ادوار الصيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاطف السيسي



الحمل  المساهمات المساهمات: 4
تاريخ التسجيل: 14/04/2010
العمر العمر: 61
الدولة fgypt
العمل/الترفيه: eng
المزاج good

مُساهمةموضوع: احلي ادوار الصيد   الخميس 29 أبريل 2010, 2:39 pm

بسم الله الرحمن الرحيم مجمع للافادة

ادوار مجربة ممكن تختار منها الاقرب ليك وربنا الرزاق
وضف الادوار او الاماكن الجيدة التي تعرفها لنكمل المجموعة

1- منطقة محاجر ابو زعبل سمك بلطى كفافى سريع وقرموط بحجم كبير و السمك هناك كبير و المياة عميقة جدا جدا جدا من 7 متر و فى حتت تيج 12 متر دة كدة و بتصقط امامك وليس بالداخل . 2- منطقة دير الميمون قبل بنى سويف وبعد الكريمات جميع الاسماك وخاصة الرعاد
3- الترعة التى امام البلاجات فى فايد قرموط سريع جدا
4- ترعة الصحافة تروح لها من ابو زعبل تركب عربة باتجاه بلبيس وتنزل الصحافة وتمشى شوية فى الزراعة بلطى سريع
5- ترعة معرفش اسمها تروح لها من شبين تركب عربية بتقول الشرابية وممكن تنزل الشرابية او كفر عبد النبى بلطى حلو
6- ترعة القلج خلف السجن بلطى كفافى
7- أبو الخاو على الهدار طريق الخطاطبة كفر الزيات جميع أنواع السمك بلطي في النهار (ريم) وف الليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر
8- المنصورية و النجيلة ( كفر الزيات ) جميع أنواع السمك بلطي في النهار (ريم) وف يالليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر
9- كوم شريك ( كفر الزيات ) جميع أنواع السمك بلطي في النهار (ريم) وف يالليل قرموط و بياض وأفضل موسم لها يبدأ من شهر مايو و حتى شهر يناير وأفضلهم شهر أغسطس و سبتمبر
10- قناطر بولين (كفر الزيات ) لطش من على البغلة طوال أيام العام
11- فى منطقة فى حلوان اسمها ركن فروق (و هى مرسى للسنادل الخربانا) اخر طريق الكرنيش فى اتجاة حلوان لحد متلاقى مصنع لمواسير البترول (طعم و عجين ) حداف و غماز ( فلاش باشا )
12- القناطر هتروح القناطر و تسئل عن سجن القناطر و انزل بعدها عند المطافى و اول يمين قبل الكبرى الى علية الكامين تدخل يمين لحد اللسان و انزل هتلاقى جزر على فكرة الدوار حجارة (طعم ) غماز
13- غمازة الصغرى بعد حلوان على الكورنيش هناك ثلاثة ترع موازيين... آخر ترعة أدخل يمين حتى تجد هيش... بلطي جميل أحمر كفافي حجاري بالطعم الموسم من شهر 5 لكن ممكن يشتغل من4
أولا - البحري :
14- ابتداءا من المناشي - منشأة القناطر - ساعات بيقع فيها غلطات محترمة تشتغل صباحا ( بالريم ) و مساءا بالطعم و لو الجو هادي باليل و مافيش زحمة ممكن ترموا حداف بسن 6 أو 5 و طعم محترم ( معنكب ) و تلعبوا على البياض.
15- اتجاه الباجور : بالترتيب كدة : صروة - أو السبع روس و ده دور حداف و غماز
16- بير شمس - و ده دور غماز بالأساس و ساعات الحداف بيشتغل فيه لكن عيبه إنه بعيد شويه
17- الباجور نفسها - و فيها عدة أدوار على الحجر على كيف كيفك بلطي و رعدات
18 - اتجاه نكلا : نكلا نفسها - ولكن أنا ما بفضلش الصيد فيها أولا علشان المية هناك حامية جدا و ما ينفعش فيها غير الحداف و من على البغال مش من البر.. و ثانيا .. علشان الريحة..!!!!
19- أبو غالب : و فيها دورين حلوين جدا عند المجزر و تقدر تشتغل فيهم غماس و حداف و البلطي بتاعها يفرح
20- الحاجر : و هي بعد أبو غالب على طول و فيها كذا دور و أنا بفضل دور المدرسة و سمكها زي أبو غالب تمام
21- الخطاطبة : وهو دور مسلي سواء عند الجامع اللي على الطريق أو قدام على الحجر... و لكن عيبه إن سمكه صغير و الراي فيه كتير ( بالمناسبة الدور ده في يناير تشيل منه تعابين زي ما إنت عايز(
22- كفر داود - دور ريم و طعم و سمكته أكبر شوية من الخطاطبة بس المية فيه حامية و علشان كدة هو دور بالأساس غماس.
23- الدلنجات و دمشق - زي كفر داود بس سمكتهم أكبر و لكن مشوارهم أبعد بكتير.

24 - اتجاه قبلي : الصنادل - دار السلام - و ده مكان قدام شرطة المسطحات و بنروحله بالمعدية و ما تستهونوش بالمكان ده لأن سمكته لو اشتغلت بتطلع منه سمك محترم خصوصا على الحداف .
25- كوتسكا - دور تسلية ( لتعليم الصيد ) بصراحة ما شفتش منه خير.
26- الإخصاص : دور حلو جدا بس لو المية واطية في النيل و بناخد بلطي حلو منه.
27- ميت القايد : دور رائع لصيد الريم صباحا و الطعم في الليل ( الحداف ما ينفعش علشان الحجارة هناك كبيرة و المية سريعة(
28- نزلة عليان (غمازة) - و من هنا نخش على الجد - يعنى عدة نضيفة و خيط جديد و سنون محترمة و ده دور بلطي و رعدات و شيلان و بياض و أنوم.
29- جرزا - زي نزلة عليان بالظبط و هي في الجهة المقابلة منها.
30- من جرزا إلى بني سويف ممكن تعد أكثر من 100 دور على الناحيتين و معظمهم أدوار تقيلة و زي الفل
ودا شرح من صياد محترم جدا للقناطر و الادوار التمام جزاة الله كل خير:
ان القناطر صعب تلم بكل ادوارها كلها لان القناطر فيها فرع رشيد ودمياط والتفرع بيبقى في القناطر وفيها حوالي 4 رياحات(المنوفى ، التوفيقى ، البحيري , الناصري) من اجمل الرياحات قي القناطر المنوفي ميته شديدة جدا فالحداف افضل الطرق وارضه حجارة
الطعم / دود الارض عادي وعنكبوت للبلطي والراي و البياض و الانومة و الدقماق وغلطات شيلان , العجينة للراي و للبني والبلطي و غلطات مبروكة وممكن تطعم للمبروكة من البوص النامي على الجوانب بس تكون حاضرة في المية
الرياح البحيري من الرياحات القوية وهي الممتدة على طريق الخطاطبة وفكرته نفس فكرة المنوفي
والرياحات في القناطر كلها او اغلبها ميتها شديدة لان القناطر هي منطقة الهاويس لهذة الرياحات فبتبقى المية في بداية إندفاعها اما التوفيقي والناصري فمعرفش عنهم اي معلومات بصراحة
فرع رشيد في القناطر فحدث ولا حرج فية عندك ياسيدي الكوبري القديم ودا في الصيف شغال طعم وعجين ... وطول السنة تقريبا التشميط كويس
الجرف بين الكبريين ودا دور ممتد بطول المناشي ويقع ما بين الكوبري القديم والكوبري الجديد ودا طعم وريم حلو جدا في الصيف وتشميط طول السنة تقريبا والسمك بلطي وبياض وانوم وقليل جدا من البني وشيلان نادرة جدا
نطلع بعد كدة على الكوبري الجديد والرمي من فوق الكوبري ناحية قبلي غير بحري الكوبري قبلي هيبقى زي الجرف والكوبري القديم
اما الرمي من من نفس الكبري بس على بحري بكون على المشاية الملحقة بالكبري
من فوق العيون مباشرة ودي بتكون ميتها شديدة جدا جدا فية مواسم المبروكة بتاكل من عليها في المية الحامية بالطعم (عنكبوت) او ريم او البوص (قصب الفار) وهو البوص النامي على حواف النيل
المواسم دي عادة بتكون في شهر 6 , 7 ,8
الطعم التاني المميز العجينة بس دي عايزة حرفنة شوية في تجهيز العجينة وحرفنة في الصيد بيها
علشان العجينة ما تسيبش من السنارة من شدة المية
والعجينة دي من الطعوم السحرية إللي كتير من الناس بيتجاهلها بسبب صعوبة الصيد بيها
انواع السمك الراي - البني - القراميط - البياض - الشيلان إن وجدت و البلطي والمبروكة تأكلها لكن بالصدفة ويفضل في حالة توجية الطعم لصيد البياض تزفير العجينة بوضع زفارة سمك عليها لانها جاذبة للبياض
الطعم الدولي (مصارين الدجاج) ودي للقرموط رقم واحد وصدف ثعبان في الشتاء وصدف مبروكة
العنب البناتي للقراميط والبني في شهر 7,8
والصيد بالسمك زي انك تطعم راية صغيرة جدا او جلمانة ودي ممتازة للبياض والشيلان والرعاش
القرموط والبني الكبير جدا بيدخل عليها بس دي عايزة يكون معاك سنارة تطعمها وتنساها بس الغلطة فيها بإذن الله بحاجة محترمة زمان كنا بنجيب بيها قشر بياض بس دا إنقرض
ننزل من فوق المشاية على الجرف البحري ودي ادوار مبروكة ممتازة بس لما المية تكون عالية وبلطي في موسم الريم , وبالطعم في الشتاء التعبان بياكل كويس وادوار القراميط كتير نظرا لوجود البوص ودي صيدها بالطع الدولي
نطلع بعد كدة على منطقة السد او الشلالات ودي منطقة ممتازة لهواة الصيد بالفلة (الغماز) بالريم وبيقع فيها بلطي محترم بس لازم مركب وتنزل على الهدار او الشلال او كما نسميها في القناطر الدشم والراي والبني بياكل كويس في الصيف على العجينة والطعم .....والمبروكة والدقماق والبياض والتعبان و الشلباية كل الاسماك دي هناك بس انت ورزقك ..لانهم مبيكلوش بالساهل وعايزين صبر وحرفنة
واحب اضيف بعض الاماكن
1-بنها ,برشوم,الطريقة حداف الطعم دود ارض الاسماك انوم وبياض وممكن غماز ادوار حجر بلطي ورعاش كتير
2-ترعة الاسماعيلية ,سرياقوس علي الهويس الجديد حداف جميع انواع السمك والطعوم ,البني كتير جدا
3-التحرير ,عزبة الباشا غماز بلطي ورعاش وبياض على الوش الطويل
4-القنطرة غرب ,الرياح ,ترعة ابو خليفة الطريقه حداف و غماز بياض رهيب بالعلق,وبلطي
5-الشرقية ,السعديين ,ترعة ابو الاخضر حداف بياض وكرور ولبيس وانوم وبني
6- شبين القناطر ترعةالشرقاوية و الحسنية بلطي علي الغماز وقرموط , نهارا ريم وليلا طعم ولهواة السبلة والسمم (مالهاش حل)
ووادي الريان يقع غرب مدينه الفيوم ويبعد عنها حوالي 20ك واحلي مكان للصيد هو
البحيره الاولي وبالتحديد عند مدخل المياه اي المجره والطعم هناك بيكون سمك صاحي
واحلي طعم هو سمك البوري وده هتجيبه تشميط من المجره ويليه ابو رياله
والبني وابو رياله واضعف طعم هو الِشر
وأحب أضيف من عندى مكان خلف مطار النزهه بالأسكندريه إسمها العفاريتى وفيها سمك جامد

__________________


منقول للإفاده


عدل سابقا من قبل الصياد المصرى في الجمعة 30 أبريل 2010, 1:46 am عدل 3 مرات (السبب : منقول للإفاده)
الرجوع الى أعلى الصفحة اذهب الى الأسفل
الصياد المصرى
المد يرون
المد يرون


الدلو  المساهمات المساهمات: 106
تاريخ التسجيل: 28/03/2008
العمر العمر: 37

مُساهمةموضوع: رد: احلي ادوار الصيد   الجمعة 30 أبريل 2010, 1:45 am

تسيم آيدك يا  حاج  عاطف على الموضوع الجميل والمفيد لكل صيادين العزبوبجد شامل معظم آدوار الصيد دة خلاف انى فى آدوار كثيرة من اللى حضرتك ذكرتها جربتها للصيد بس  من فترة وان شاء الله شوية كدة يكون الموسم آبتدء ونطلع للنيل تانىوان شاء الله سيتم تثبيت هذا الموضوع لآهميتة الكبيرة لكل صيادين العزبوتحياتى لك يا غالى

---------------------------التوقيع-----------------------
--التوقيع-----------------------------------------
اخوكم ابو كريم

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://saed.almountadaalarabi.com
عاطف السيسي



الحمل  المساهمات المساهمات: 4
تاريخ التسجيل: 14/04/2010
العمر العمر: 61
الدولة fgypt
العمل/الترفيه: eng
المزاج good

مُساهمةموضوع: رد: احلي ادوار الصيد   الجمعة 30 أبريل 2010, 3:51 am

الف شكر علي مرورك ياغالي
لك تحياتي
الرجوع الى أعلى الصفحة اذهب الى الأسفل
محمد كفتة



الجوزاء  المساهمات المساهمات: 16
تاريخ التسجيل: 01/10/2011
العمر العمر: 45
الدولة القاهرة
العمل/الترفيه: صياد من عين شمس
المزاج صياد مية عذب ومالح

مُساهمةموضوع: رد: احلي ادوار الصيد   الإثنين 03 أكتوبر 2011, 7:01 am

واللة الكلام دم جميل جدا بس الواحد من ساعت عرف البحر الاحمر والوحد مش عاوز يروح مياة عازبة مش عارف لى مع العلم ان الوحد متعلم الصيد فى الاماكن دى كلها يمكن على شا ن السمكة اطعم واحسن اجود السمك لى هى الكشر و الحفار والدنيس ازا وجد وعلى العموم كل الصيد فى البحر جميل جدا واحسن الاماكن بحبها هى الكونيسة مع العلم ان سافرت كثر جد بس بصرحا اما الوحد بيروح الكونيسة ويكون الجو جميل الواحد بيجيب سمك كويس جدا؟اخوكم محمد كفتة من عين شمس؟وشكرا الى الكابتن وحبيب الكل الكابتن محمد موسى وبيجد نفس اطلع معا رحالة صيد؟؟
الرجوع الى أعلى الصفحة اذهب الى الأسفل
محمد كفتة



الجوزاء  المساهمات المساهمات: 16
تاريخ التسجيل: 01/10/2011
العمر العمر: 45
الدولة القاهرة
العمل/الترفيه: صياد من عين شمس
المزاج صياد مية عذب ومالح

مُساهمةموضوع: رد: احلي ادوار الصيد   الإثنين 03 أكتوبر 2011, 7:08 am

اة نيست حاجة مهمة جدا لو فى اى حد طلع قريب من عين شمس يا ريت كلمنى واطلع معا ان شاء لله بس يكون الجوا كويس وياريت يكون الجوا على النت؟شكرا لى كل الاصديقاء الحباب وشكرا محمد كفتة؟؟
الرجوع الى أعلى الصفحة اذهب الى الأسفل
محمد كفتة



الجوزاء  المساهمات المساهمات: 16
تاريخ التسجيل: 01/10/2011
العمر العمر: 45
الدولة القاهرة
العمل/الترفيه: صياد من عين شمس
المزاج صياد مية عذب ومالح

مُساهمةموضوع: رد: احلي ادوار الصيد   الإثنين 03 أكتوبر 2011, 3:26 pm

الى الاب الفاضل حبيب الكل الكابتن محمد موسى ولله انا عندى سؤال دة بعد ازنك طبعا السؤال هو لى اى حد عامل رحالة صيد يوضع رقم الموبايل على شان اى صديق عاوز يطلع يتصل بية ويعلن على المنتدى على معاد الرحالة وشكرا الى الاب الروحى الكابن محمد موسى الاخ الاصغر محمد كفتة؟
الرجوع الى أعلى الصفحة اذهب الى الأسفل
 

احلي ادوار الصيد

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» الصيد في الغردقة
» منتدى الصيد العام و ما يحتوية

صلاحيات هذا المنتدى:لاتستطيع الرد على المواضيع في هذا المنتدى
 ::  :: -